Жасарәт мәңгүлүк

06.05.2021ж

Аләмдә болуватқан жаһанлиқ пандемияға бағлинишлиқ  оқушимиз онлайн форматта жүргүзүлмәктә.Лекин биз шуниңға қаримастин дәрислиримиз билән бир қатарда тәрбийә бойичә жүргүзиливатқан һәр хил иш-чариләргә қатнишип келиватимиз. Жүмлидин йеқинда   9 май Улуқ Ғалибийәтниң 76 жиллиғиға  беғишланған  «Улуқ Ғалибийәткә 76 жил» мавзусида  тәрбийә саати болуп өтти. 

Тәрбийә саатидин өзимизгә көплигән әхбаратлар елип, жүригимиздә Улуқ Вәтән уруши жиллирида әрлик көрсәткән батур бовилиримизға болған, вәтәнгә болған муһәббитимиз техимму ашти. Улуқ Вәтән Урушиға  һәр бир бәшинчи қазақстанлиқ мәйданға атлинип, Вәтәнни қоғдаш үчүн  жәңләргә қатнашти.Қанчиму қазақстанлиқ уруш даласида вапат болди. 

                Улуқ Ғалибийәт бизгә миллионлиған адәмләрниң төкүлгән қени бәдилигә кәлди. Уруш салған һәсрәт һәрбир аилиниң тарихида из қалдуруп кәтти. Улуқ Вәтән уруши  тарихи тоғрилиқ қанчиму әсәрләр йезилип, қанчиму кинолар чүшүриливатсиму, униң тарихиға һеч қачан чекит қоюш мүмкин әмәс. Мениң йезам Дехан-Ғәйрәттин урушқа  атланған бовилиримизни махтиниш билән әскә алимиз. Улар: Идрис Мансуров, Бәттал Есеркеев, Болыс Жунусов, Қадир Якупов, Абликим Исраилов вә башқилар.   Бизниң мошундақ течлиқ һаятта өмүр сүрүшимиз үчүн женини пида қилған батур бовилиримизниң жасарити  алдида бешимизни егип тазим қилимиз.

Зульфия  ҺАкимова ,

Дехан-Ғәйрәт оттура

мәктивиниң  8 «ә» -синип оқуғучиси.