Айдарлар
ОТТЕГІ БАЛЛОНДАРЫН ҚОЛДАНУДА АБАЙ БОЛАЙЫҚ!
- Толығырақ
- Жарияланды 12.08.2021 04:03
- Автор: Super User
- Категория: Адам және қоғам
- Қаралды: 725
30.07.2021ж
Елдегі COVID-19 коронавирустық инфекция пандемиясына байланысты тұрғындар үй жағдайында (пәтерлерде, жеке үйлерде) медициналық мақсатта емдеу үшін оттегі баллондарын пайдаланады. Өкінішке қарай, тұрғындар кейде оттегі балоны - жарылыс қаупі бар газ екенін ұмытып жатады.
Оттегімен жұмыс істеу кезіндегі басты қауіп - оның тотықтырғыш ретінде жоғары химиялық белсенділігі.
Оттегі баллондары - оттегіні тасымалдау және сақтау үшін жіксіз болат құбырдан жасалған сыйымдылықтар. Газдың құрамы, оны ауадан алу тәсілі, көлемі және қолдану саласы бойынша ерекшеленеді. Оттегі бар балон әрқашан көгілдір түске боялған және «оттегі» деген қара жазуы бар, оған газдардың басқа түрлерін толтыруға тыйым салынады. Бұл зат адамды барлық жерде қоршап тұрғанына және өзі қауіпті емес болғанына қарамастан, баллондағы қысым қауіп төндіруі мүмкін. Сондықтан оны пайдалану кезінде қауіпсіздік шараларын сақтау керек.
Қолдану жөнінде нұсқаулық:
Таза оттегімен тыныс алуға болмайды, өкпеге түсер алдында ол ауамен араласуы керек, ол үшін әртүрлі құрылғылар қолданылады. Дәріханаларда оттегі азотымен бірге кішігірім баллоншалар да сатылады. Алдын алу дозасы
3-5 рет таңертең және кешке. Көп дем алу кезінде сеанстар арасында 5-10 минуттан үзіліс жасалады. Тәулігіне дем алудың ең көп саны 50-ден аспайды. Жинақы дәріхана балоны, салмағы 200 гр. орташа алғанда 100-150 демге жеткілікті. Жастықтан және баллоннан оттегіні арнайы маска арқылы алу керек, ол адамның жасына және мөлшеріне сәйкес келуі керек. Оттегі баллондары көптеген салаларда қолданылады және адамға айтарлықтай көмектеседі. Бірақ оларды қолданған кезде, оттегі күшті жануды үдей түседі, сондықтан газ көзінің жанында от, май және тез тұтанатын заттар болмауы керек. Баллонмен жұмыс істегеннен кейін киімді 30 минут бойы желдету қажет.
Жанғыш заттар мен материалдардың көпшілігі оттегімен байланысқанда жарылыс және өрт қауіпті болады. Ауадағы температураның, қысымның, ағу жылдамдығының және оттегінің көлемдік үлесінің жоғарылауымен қауіп артады. Жаңғыш газдармен газ тәрізді оттегінің қоспаларында да жарылыс қаупі бар. Оттегімен байланысқа түсетін майлау заттары мен заттардың майлы ластануы жануды тудырады немесе қабаттың белгілі бір қалыңдығы кезінде жарылыс пайда болады.Тұрғындардан оттегі баллондарын пайдалану ережелерін сақтауды сұраймыз.
Алматы облысы ТЖД
баспасөз қызметі.
